Мэдээ мэдээлэл

Даянгийн Захиргааны Ахлах Ажилтан, Чулуунхүү овогтой СЭЛЭНГЭ нь “Уул уурхайн салбарын шилдэг эмэгтэйчүүдийг шалгаруулах 2023” арга хэмжээнд “Дэмжлэг Үзүүлэгч Алба Хэлтсийн ОНЫ ШИЛДЭГ МЭРГЭЖИЛТЭНГЭЭР” шалгарлаа.

4-р сарын 24, 2023 | Мэдээ мэдээлэл

Ч.Сэлэнгэ нь Оюу Толгой төслийн гүний уурхайн талбарт 17 дахь жилдээ ажиллаж байна. - “Олон газраас ирсэн олон янзын мэргэжлийн, тэр дундаа гэр бүл, үр хүүхдээсээ хол олон цагаар газрын гүнд ажилладаг хүмүүстэй харьцаж ажиллах тийм ч амар биш. Гэхдээ зориод ирсэн хүний ажлыг сэтгэлд нь хүртэл зохицуулж өгөөд явуулах мөн ч сайхан шүү. Манай ажилтнууд газрын гүнд ажилладаг болохоор ихэнх асуудал ээлжийн эхэнд, төгсгөлд л өрнөдөг. Уулзаж амжих нь уулзаад, амжихгүй нь оройн цагаар утсаар асуудлаа асууна. Уурхайчдаас ирүүлсэн мэдэх мэдэхгүй, чадах чадахгүй эгнүүлж бичсэн олон асуулт, хүсэлтүүдтэй дараагийн өдрийн ажил эхэлнэ. Утасны дуудлага бүрийн цаана ямар нэгэн асуудал, зорилго, хүсэлт байгааг л алдахгүй шийдэж, шийдүүлж чадаж байвал миний ажлын бахархал энэ юм даа”, хэмээн түүний хэлсэн үгийг энд онцолж тэмдэглэе.

Ч.Сэлэнгээдээ баяр хүргэж, аз жаргал эрүүл энхийг хүсье!

Уурхайчдын алдар бадартугай!