Найдвартай. АЮУЛГҮЙ АЖИЛЛАГАА- ЭХЭНД, ТӨГСГӨЛД БА ҮРГЭЛЖ ; 

Компанийн удирдлагын баг хамт олон болон бүхий л хэлтсийн ихэнх ажилтнууд маань уул уурхай, түүнчлэн гүний уурхайн бүтээн байгуулалтад олон жил гар бие оролцон ажилласан, мэргэшсэн уурхайчид бөгөөд тэд маань ХАБЭА удирдлагын системийн талаар өндөр мэдлэгтэй, туршлагатай баг байдаг. Даян компанийн хувьд аюулгүй ажиллагааны гүйцэтгэлийн гол түлхүүр нь бидний сургаж мэргэшүүлсэн уурхайчид юм. Тиймдээ ч бид аюулгүй ажиллагааны сургалт хөтөлбөрийг бахархалтайгаар санал болгон ажилладаг бөгөөд, аюулгүй ажиллагааны гүйцэтгэлийг үргэлж сайжруулан шинэлэг арга барилыг тогтмол хөгжүүлсээр ирсэн юм. Ажилтан хамт олныхоо аюулгүй байдал, эрүүл мэндийг сахин хамгаалах нь бидний амжилтанд хүрэх хамгийн чухал хүчин зүйл юм.

Бүтээмжтэй байх,

Бидний санал болгодог хамгийн үр дүнтэй шийдэл бол захиалагч болон тэдгээрийн оролцогч талуудтай нэгдсэн байдлаар хамтран ажиллах юм. Үүний үр дүнд техникийн хамрах хүрээг тодорхойлж, зардал болон төлөвлөгөөт хуваарийг гаргахаас гадна аюулгүй ажиллагааны санаачилгаар дамжуулан бид хамтын хүчээр амжилтыг бүтээдэг. Бид дэлхийн хэмжээний өргөн мэдлэгтэй, өндөр туршлагатай мэргэшсэн үйлчилгээг санал болгодог бөгөөд тухайн бүс нутгийн онцлогт тохируулан үйл ажиллагаагаа эрхэлдэг. Манай хүмүүс олон янзын бэрхшээлийг даван туулж, эрсдлийг багасгахад чиглэсэн нэгдсэн шийдлүүдийг тууштай гаргаж, салбартаа шаардлагатай шинэлэг бүхнийг анхлан дэлгэрүүлэн хөгжүүлж ажилладаг. Ингэснээр бид компанидаа төдийгүй салбартаа тасралтгүй хөгжүүлэлтийг хийсээр ирсэн бөгөөд өндөр туршлагатай тэргүүлэгч байгууллагын мөн чанараа хадгалдаг. Бидний техникийн давуу тал болон олон жилийн туршлага нь - хаана ч, хэзээ ч, хэний ч хүлээлтээс илүү чанарын стандартыг биелүүлэн ажилладаг.

Хугацаандаа, Гүйцэтгэлд найдаж болно. 

Ажлын явцад “гэнэтийн” тохиолдлыг гаргахгүйн тулд бид нарийвчилсан төлөвлөлт болон төсвийн тооцооллыг гаргаж, хамгийн боломжит байдалд нийцүүлэн ажилладаг. Бид хөрвөх чадвартайгаар, сайтар боловсруулсан цогц байдлаар үйл ажиллагаагаа явуулдаг нь нэгж бүрэлдэхүүнүүдийн чухал хуваариудыг төгс хэлбэрээр хянах боломжтой болгодог. Өсөлт, эрсдэл, боломжуудыг нэгтгэн харж, цагийн байдлыг бодитоор дүгнэснээр ажлын хуваарь, үзүүлэлт, зардлын хяналт зэргийг үр дүнтэй болгох чухал шийдвэрүүд гардаг.

Өртөг, Өгөөжтэй

 Өдөр тутмын ажлаа үнэ цэнэтэй, өөдрөг байлгах, үргэлжилсэн бодлоготойгоор ажилладаг. Баг хамт олноос гаргасан онцгой бөгөөд чухал санал санаачлагуудыг авч хэрэгжүүлснээр манай найдвартай байдлын, бүтээмжтэй ажиллагааны, төслийн удирдлагын, захиргааны болон техникийн дэмжлэг туслалцаа үзүүлэх баг хамт олны чадамжийг тогтмол сайжруулдаг бөгөөд энэ нь бидний үзүүлдэг үндсэн үйлчилгээний өртөг зардлыг өрсөлдөхүйц болгодог юм. Инноваци буюу шинэлэг санаачлага бол Даян компани дотор тэр дундаа ажилтнуудын маань сэтгэлд байнга оршин байдаг зүйл мөн.