1-р сарын 17, 2022 | ДАЯН-гийн хамт олон

Даян Контракт Майнинг ХХК-ийн Уурхайн Дэд Бүтэц хариуцсан, туршлагатай КАПИТАН .

Уул уурхай хөгжсөн улс орнуудад, тэр дундаа гүний уурхайн нэвтрэлт малталтын компаниудад л байдаг Уурхайн Ахмад буюу Mine Captain хэмээх албан тушаал нь ховорхон бөгөөд нэр хүндтэй мөн хариуцлагатай албан тушаал юм. Цол хэргэм шиг сонсогдож ойлгогддог энэхүү албан тушаалын үүрэг хариуцлагыг тэнгэрт нисэх агаарын хөлгийн ахмад, далайд хөвөгч хөлөг онгоцны ахмадтай зүйрлэн жишдэг.

Mine Captain буюу Уурхайн Ахмад / Капитан гэдэг бол гүний уурхайн “эзэн” нь юм. Гүний уурхайд хүн бүр Капитаны зааврыг дагана. Бүх баг хамт олныг нэгтгэн удирдаж, зохион байгуулалтыг чиглүүлж, ажлын онцлогийг нарийвчлан тооцоолж хамтдаа - найдвартай, бүтээмжтэй, цаг хугацаанд нь уурхайн ажлуудыг хийж гүйцэтгэхэд тэдний манлайлал оролцоо маш чухал.

Уурхайн Капитан бол гүний уурхайд олон жил гар бие оролцон ажилласан арвин туршлагатай, мэргэшсэн бөгөөд шилдэг уурхайчин байдаг.

Манай анхны уурхайчдын нэг, олон төсөл дээр ажилласан туршлагатай, шинэ залуу уурхайчдаа чиглүүлэн удирдаж, хамт олноо манлайлан гүний уурхайн дэд бүтцийн чухал хариуцлагатай ажлыг нэр төртэйгээр гүйцэтгэж яваа эрхэм КАПИТАН – “ГААЯА” танд баярлалаа.

Tэнгэрт тэтгэгдэж, газарт ивээгдэж, хүнд хүндлэгдэж, эрүүл энх, саруул сайхан явахыг хүсэн ерөөе!

Уурхайчдын алдар бадартугай!

❮ ❯