Мэдээ мэдээлэл
ДАЯН-гийн хамт олон: Уурхайн КАПИТАН – Монгол Улсын Тэргүүний Уурхайчин, Ганбаатарын МӨНХБААТАР
2-р сарын 23, 2022 | ДАЯН-гийн хамт олон
Даян Контракт Майнинг ХХК-ийн 2021 оны гуравдугаар улирлын шилдэг Капитан.
Уул уурхай хөгжсөн улс орнуудад, тэр дундаа гүний уурхайн нэвтрэлт малталтын компаниудад л байдаг Уурхайн Ахмад буюу Mine Captain хэмээх албан тушаал нь ховорхон бөгөөд нэр хүндтэй мөн хариуцлагатай албан тушаал юм. Цол хэргэм шиг сонсогдож ойлгогддог энэхүү албан тушаалын үүрэг хариуцлагыг тэнгэрт нисэх агаарын хөлгийн ахмад, далайд хөвөгч хөлөг онгоцны ахмадтай зүйрлэн жишдэг.
Mine Captain буюу Уурхайн Ахмад/Капитан гэдэг бол гүний уурхайн ерөнхий зохион байгуулагч гэж ойлгож болно. Гүний уурхайд хүн бүр Капитаны зааврыг дагана. Бүх баг хамт олныг нэгтгэн удирдаж, зохион байгуулалтыг чиглүүлж, ажлын онцлогийг нарийвчлан тооцоолж хамтдаа, найдвартай, бүтээмжтэй, цаг хугацаанд нь уурхайн ажлуудыг хийж гүйцэтгэхэд тэдний манлайлал оролцоо маш чухал.
Уурхайн Капитан бол гүний уурхайд олон жил гар бие оролцон ажилласан арвин туршлагатай, мэргэшсэн бөгөөд шилдэг уурхайчин байдаг.
ХАБ-ыг ханган ажиллах, уурхайчдаа зөв удирдан чиглүүлэх, ажлын бүтээмжийг сайжруулах зэрэг хэд хэдэн үзүүлэлтүүдээр тэргүүлсэн Капитанаа бид улирлын шилдэгээр шалгаруулдаг.
Ажил бүтээмжээрээ хамт олноо манлайлж шилдэгээр шалгарсан КАПИТАН - МӨНХБААТАР танд баяр хүргэе! Тэнгэрт тэтгэгдэж, газарт ивээгдэж, хүнд хүндлэгдэж, эрүүл энх, саруул сайхан явахыг хүсэн ерөөе!
Уурхайчдын алдар бадартугай!