11-р сарын 12, 2019 | Мэдээ мэдээлэл

Даян Контракт Майнинг компанийн хамт олон 2016 оны 6 дугаар сараас 2019 оны 11 сарын хооронд нэг сая хүн/цаг сургасан амжилт бүтээлээ баяр бахдалтайгаар хуваалцаж байна. Компанийн бүтээлч, чадварлаг энэ сайхан хамт олныг бүрдүүлэхэд шаардагдах бүхий л хичээл зүтгэлийг гаргаснаараа энэхүү амжилт нь зөвхөн сургалтын хэлтсийн төдийгүй нийт ажилтнуудын хувь нэмэр шингэсэн, бахархам амжилт юм. Сургалтын НЭГ САЯ ХҮН ЦАГ гэдэгт уурхайн талбай дээрх Босоо амны нэвтрэлт ба Тоноглол, Хөндлөн Нэвтрэлт, Босоо Цооногийн Өрөмдлөг, Чулуулгийн Боолтон Бэхэлгээ, Өргүүр ба Засвар Үйлчилгээний, Төмөр Хийц Механик Шугам Хоолой Угсралтын төсөл, Барилгын дэмжих үйлчилгээ зэрэг нийт төслийг хамран үзүүлсэн далд уурхайн босоо болон хөндлөн нэвтрэлтийн тоног төхөөрөмж, манлайллын болон техникийн ур чадварын сургалт, мөн шаардлагатай нарийн мэргэжлийн сургалтуудыг газрын гүнд, уурхайн талбарт, Улаанбаатар хотод төлөвлөн зохион байгуулж, зааж сургасан цогц үйлчилгээ орж байгаа юм. Аюулгүй байдал, бүтээмжийг өндөр түвшинд байлгахад оролцсон бүх хүмүүст баяр хүргэе! Та бүгдэд улам их амжилт, хөгжил цэцэглэлтийг хүсэн ерөөе!