“Даян Контракт Майнинг” ХХК Өмнөговь аймгийн "Тэргүүний ажил эрхлэлтийг дэмжигч байгууллага"-аар дахин өргөмжлөгдөж шинэ оноо угтаж байна.

“Даян Контракт Майнинг” ХХК нь орон нутгаас иргэдийг ажилд авч сурган дадлагажуулах асуудлыг чухалчлан авч үздэг бөгөөд Өмнөговь аймгийн Шилдэг ажил олгогч компани, Тэргүүний ажил эрхлэлтийг дэмжигч байгууллагаар дахин өргөмжлөгдөж шинэ оноо угтаж байна.

2020 оны хувьд Даян Контракт Майнинг ХХК болон хувь нийлүүлэгч - туслан гүйцэтгэгч болох Рэдпаф Монгол ХХК, Хасу Мегаватт ХХК-иуд нь хөгжлийн бэрхшээлтэй иргэдийг ажлын байраар хангах, тэдэнд зориулсан ажлын байрны тохиргоог хийж, ажиллах орчныг бүрдүүлсэн жил байлаа. Өдгөө тус компанид 32 ХБИ ажиллаж байгаа бөгөөд цаашлаад энэ тоог өсгөх зорилттойгоор ажиллаж байна. Одоогийн байдлаар 5 ХБИ гүний уурхайд тоног төхөөрөмжийн хөдөлгөөн зохицуулагчийн ажил хийж байгаа бөгөөд эдгээр хүмүүс нь гүний уурхайд ажиллаж байгаа анхны гэж тодорхойлж болох ХБИ-дийн төлөөлөл болж байна.

Бидний ажлыг хүндэтгэн дэмжиж ажилладаг Өмнөговь аймаг болон сумдын холбогдох албаны хамт олонд мөн Оюу Толгой ХХК-ийн нийт хамт олонд талархал илэрхийлье.