First female shotfirer for underground mining. Mining Engineer Nyamdulam Yadamsuren

3-р сарын 2, 2022 | Мэдээ мэдээлэл

Гүний уурхайн малталт нэвтрэлтийн ажлын зориулалтаар тэсэлгээний “гал” өгөх эрхтэй, анхдагч тэсэлгээчин бүсгүй.

Рэдпаф Монгол /Даян Контракт Майнинг/ ХХК-ийн Уул уурхайн ашиглалтын инженер Ядамсүрэн овогтой Нямдулам.

Гүний уурхайн тэсэлгээний ажил нь уурхайн ээлж солигдох бүрт хийгддэг онцлогтой бөгөөд маш өндөр хариуцлагатай ажил юм. Энэхүү хариуцлагатай ажлыг гүйцэтгэх багийн гишүүн Я.Нямдулам нь тус компанийн гүйцэтгэж буй гүний уурхайн үндсэн болон бэлтгэл малталтын төслийн ажилд зориулсан тэсэлгээний “гал” өгөх эрхтэй анхны эмэгтэй инженер боллоо.

Я.Нямдулам: 2016 оноос эхлэн эмэгтэй хүн уурхайн гүнд ажиллах боломж бүрдсэнээс хойш гүний уурхайд ажиллах эмэгтэйчүүдийн тоо нэмэгдсээр байна. Эрчүүдийн тоо давамгайлсан энэ салбарт эмэгтэйчүүдийн ажиллаж хөдөлмөрлөх хувь оролцоог нэмэгдүүлэх тал дээр шаардлагатай бүх нөхцөл боломжоор хангаж, биднийг үргэлж дэмждэг ажил олгогч, хамт олонтой байна гэдэг сайхан. Даян компанийн нэг хэсэг болж газар доор 1300 метрийн гүнд дэлхийн хэмжээний том уурхайд олон залуустай мөр зэрэгцэн орчин үеийн техник тоног төхөөрөмжүүдийг хамтдаа удирдан жолоодож, ажиллаж байгаа нь миний хуьд нэр төрийн хэрэг юм. Гүний уурхайн тэсэлгээний гал өгөх эрхтэй анхны эмэгтэй инженер болж байгаадаа маш их баяртай байна. Намайг үргэлж дэмждэг ажлын хамт олон, гэр бүл, сургагч багш нартаа баярласан талархсанаа илэрхийлмээр байна.

Я.Нямдуламдаа баяр хүргэж, ажил болон амьдралдаа амжилт бүхний дээдийг хүртэж явахыг хүсэн ерөөе!

Уурхайчдын алдар бадартугай!