"Рэдпаф Монгол" ХХКомпани "Шилдэг туслан гүйцэтгэгч компани"-аар шалгаралаа.

Монгол Улс жил бүрийн 12 дугаар сарын 25-ны өдрийг “Уурхайчдын өдөр” болгон тэмдэглэдэг уламжлалтай. 2019 онд Монгол Улсад Уул уурхайн салбар албан ёсоор үүсч хөгжсөний 97 жилийн ойн баярыг тэмдэглэх үеэр Уул Уурхай, Хүнд Үйлдвэрийн яам болон Ашигт Малтмал, Газрын Тосны Газраас "Рэдпаф Монгол" ХХК-ийг тус салбарын "Шилдэг туслан гүйцэтгэгч компани"-аар шалгаруулав. 9 төрлийн номинацад 60 гаруй компани нэр дэвшсэнээс шалгарсан Рэдпаф Монгол ХХК нь тус шагналыг бахархалтайгаар гардан авлаа.

Энэхүү гэрчилгээнд Өмнөговь аймгийн Ханбогд сумын нутагт орших Оюу Толгой ордод гүний уурхайн хайгуулын, агааржуулалтын болон олборлолтын босоо ам хэвтээ малталт нэвтрэх, тэдгээртэй холбоотой газар дээрх болон газар доорх барилга байгууламжуудыг технологийн дагуу барьж Тэсэрч дэлбэрэх бодис, тэсэлгээний хэрэгслийн эргэлтэд хяналт тавих тухай хууль, Тэсэлгээний ажлын аюулгүй ажиллагааны нэгдсэн дүрмийг үйл ажиллагаандаа чанд мөрдөж, уул уурхайн салбарыг хөгжүүлэхэд бодитой хувь нэмэр оруулсан тул ГЕОЛОГИ, УУЛ УУРХАЙ, ГАЗРЫН ТОС, ХҮНД ҮЙЛДВЭРИЙН САЛБАРЫН 2019 оны “ШИЛДЭГ ТУСЛАН ГҮЙЦЭТГЭГЧ” аж ахуйн нэгж, байгууллагаар батламжлав хэмээсэн байна.

Мөн тус өдөр Рэдпаф Монгол компанийн төслийн менежер, гүний уурхайн-операторчин, инженерүүд болон бусад уурхайчид маань амжилт бүтээлтэй ажиллаж, хамт олноо манлайлсан бахдам амжилтаа бататган нийт 62 уурхайчид маань Уул уурхай, Хүнд үйлдвэрийн яамны “Тэргүүний Уурхайчин” цол тэмдэг, Хүндэт жуух бичиг болон компанийн нэрэмжит олон шагналуудаар шагнуулж урам зориг, эрч хүч авсан тэмдэглэлт ой болж өнгөрлөө.

Бид бүгдийн бахархал болсон УУРХАЙЧИД бол манай компанийн үндэс суурь бөгөөд амжилтад хүрэхэд хамгийн чухал үүрэг гүйцэтгэдэг.

Уурхайчдын яруу алдар бадартугай! 2020 ондоо эрүүл энх, саруул сайхан, амжилт бүтээлээр дүүрэн байхын билэгт ерөөлийг өөд өөд нь өргөн дэвшүүлье!